Մոլեռանդությունը, անգամ մարմնական, մտահոգեւոր շեղում է անկախ ուղղվածությունից…
Վերջերս նման մի երեւույթ արձանագրեցի մտավոր կարողութհուններ ունեցող եւ մեր հանրությանը հայտնի մի շարք մարդկանց մոտ, որոշ դիտարկումներից հետո…
Այն, որ Հռոմի Պապից ավելի կաթոլիկներ կան մեզանում (եւ աշխարհում)` գիտեի վաղուց, բայց որ Հիսուսից ավելի քրիստոնյաներ կան, իմացա վերջերս…
Որ Հիսուս Քրիստոսը Աստծո որդի է, ասում է համայն քրիստոնյաների սուրբ գիրքը` “Բիբլիա”֊ն (որ հայերեն “Աստվածաշունչ” է ներկայացվում) եւ Աստվածն այդ Գրքում Եհովան է…
Բայց վերոնշյալ մոլեռանդ քրիստոնյա հայերի համար Հիսուսն է Միակ Աստվածը, Եհովայի որդին… բայց Աստծո որդին չի կարող ժառանգաբար ինքնստինքյան Աստված դառնալ, դա Տիեզերքի Արարչի Մենաշնորհն է` Աստծուն֊Աստվածներին շնորհել Տիեզերատուր Գործառույթներ…
Չգիտեմ, գուցե Հիսուսից ավելի քրիստոնհա հայերի համար նաեւ Տիեզերքի Արարի՞չն է Քրիստոսը, երեւի Ամեն Բան Արարել ու մա՞րդ է դարձել, հետո Աստծո որդի, ապա Աստված (ի շնորհիվ մոլեռանդների) եւ շուտով Արարիչ կհամարվի, ով ինքն իրե՞ն է արարել…
Ես արիադավան հայ եմ, Հայոց Տիեզերահավատի հետեւորդ եմ, Հայ Աստվածների պաշտամունքն ունեմ… չեմ սիրում, բայց հարգում եմ բոլոր հավատների ու կրոնների Աստվածներին, Աստծո որդիներին, սրբերին ու մարգարեներին, երբեք անհարգալից չեմ արտահայտվում, քանի որ նրանց հարյուր հազարավոր մարդիկ են հետեւում, բայց բացառապես իմ հավատի հետեւորդն եմ ու քարոզիչը…
Ինձ հատկապես զարմացնում է վերոնշյալ քրւստոնյա հայերի մոլեռանդության այն աստիճանը, որ նրանք բոլոր միջազգային կրոնների ու ազգային հավատների Աստվածներին կոչում են այս կամ այն ազգի Աստվածներ, իսկ Հայ Աստվածները նրանց համար մնացել են “չաստվածներ” ֊ “մեռած աստվածներ”, ինչպես կոչել են մեր թշնամիները…
Եթե ոմանք կարծում են, թե Աստվածները մեռնում են (կամ կարելի է “մեռցնել”), ապա սխալվել եմ, որ նրանց համարել եմ մտավոր կարողություններ ունեցող (մտահոգեւոր մոլոռանդություն է)…
Աստված Տիեզերական Զորություն է` Արարչածին Զորություն, որ կա եւ մնում է Տիեզերքի Արարումից ի վեր եւ կմեռնի միայն Տիեզերքի կործանումից հետո…
Իհարկե կարելի է էլի ծավալվել, բայց…
…հայի հետին խելքի մասին գիտենք, հայի` ընդդեմ հայի մոլեռանդության մասին (իմա` խելքին աշեցեք)` դեռ ոչ…
* Ի դեպ` Աստվածներ ունենում են Բնածին Ազգերը, բայց վաղուց իշխում են արհեստածին աստվածներն ու ազգերը, որ երբեք չեն ունեցել եւ չեն կարող ունենալ Տիեզերքի Արտացոլանքը…
* Թշնամիները նախ “մեռցրին” Հայ Աստվածներին, դարձրեցին “չաստվածներ”, որ հեշտ լինի Հայի ու Հայքի չգոյությունը իրականություն դարձնել… բնիկները եկվորներ կոչվեն Հայկական Լեռնաշխարհում ֊ որ անաստված ու անազգ / անհայրենիք լինի ՀԱՅը… ապավինի օտարի աստծուն ու բազկին եւ պարտվի միշտ ու վերջնականապես…
(Արմեն Ավետիսյան, Հայ Արիական Մւաբանության առաջնորդ)
Loading ...
Armenian
English 
Russian 